NYUMBA TANO ZACHOMWA MOTO

           (na Gilbert J Makwabe)

Jeshi la polisi mkoani Kagera linachunguza tukio la uchomaji moto nyumba zipatazo nne na jiko moja tukio lililotokea hivi karibuni katika vitongoji vya Bushaigi na Ruhanga,kijiji ch a Bumai,Kata Kishanji wilayani Bukoba kwa tuhuma za uchawi.

            Kwa mujibu wa kamanda wa polisi mkoani Kagera Henry Salewi nyumba zilizochomwa moto na wananchi waliojiita wenye hasira kali ni mali yam zee Cleophace Tiruirukwa(miaka 67) ambamo waliishi jumla ya watu 8,nyumba ya bintiyeErnestinaCleophaceambamo waliishi watu 5,nyumba ya mwanae wakiume Dennis Cleophace ambamo waliishi watu4. Nyumba nyigine ni ya mweyekiti wa kitongoji Costantine Cosmas pamoja na jiko moja.

        Kamanda Salewi aliwaambi waandishi wa habari kuwa hadi wakati huo watu wawili walikuwa wanashikiliwa  na polisi kutokana na tukio hilo nao ni Christopher Nshoga(miaka 47) naLeopold Kabigumila(miaka76).Mkuu huyo wa polisi alitoa wito kwa raia kuacha kujichukulia sheria mikononi.

      Habari zaidi kutoka kijijini humo ni kuwa mzee Cleophace alituhumiwa na wanakijiji wenzake kuwa aliwaloga watoto wa jirani yake na kuwa kwa sasa watoto hao wanaishi na bibi yao kwani wazazi wao(baba na mama)walifariki siku nyingi baada ya kuugua muda mrefu. Inasemekana pia kuwa watoto hao(ajina yamehifadhiwa) wamekuwa wakiugua ugua kia wakati ila hwakuwa wamepelekwa hospitalini siku nyingi ila tu kwa waganga wa kienyej.

      Matukio hayo ya wananchi kuwadhuru wenzao kwa imani za kishirikina yamezidi kushamiri mkoani Kagera.Siku chache zilizopita yameshuhudiwa pia matukio kadhaa katika maeneo tofauti.Tukio moja limejitokeza katika kijiji cha Kabajuga,kitongoji Nyakabumba\Nyakiziba,kata ya Kasharu  wilaya ya Bukoba ambapo ilisemekana kuwa watuu wasiojulikana walivamia kaya ya mwanakijijiTwaha Ramdhani(miaka51),wakifyeka mashamba yake na kuchoma moto nyumba ambapo mali na mifugo viliteketea.

       Tukio jingine nmi lile lililotokea katika kijiji cha Kantare,kata Bwanjai wilayani Missenyi ambapo nyumba ya Bw.Petro Kakwama(miaka70) ilitiwa moto na watu wasiojulikana na huku wajukuu zake6 alioishi nao nyumbani humo waliungua vibaya. Watoto hao ni Frank Leonard(3),Livinus Donati(2),Leonard Antidius(7),Anitha Dominic(17),Alli Mussa(6) na Dennis Dominic(14). Uchomaji wa nyumba hiyo pia inasemekana kuhusishwa na imani za kishirikina.

_mwisho_